2018/07/04

محسن مظلوم : هل اصبح المطالبة بالحق جريمة؟ كلنا الدكتور حسن عبيد ... فهل العدل يتحقق اليس من حقنا...




معقول وصلنا لوقت أصبح المطالبة عن الحق جريمة، واذا بتطالب بتتعاقب... وين صرنا و لوين رايحين ؟
والله هيك كتير 
عم بحكي من قلب محروق وموجوع...موجوع من بلدنا موجوع من تفكير وسياسة رؤساء مجتمعنا... 
رح أحكي قصتنا بإختصار 
نحن كطلاب بالجامعة الاسلامية (فرع بعلبك)، جميع الطلاب من منطقة بعلبك كلنا كطلاب حالتنا على قدنا يعني ما حدا فينا أبن وزير أبن نائب أو أبن شي رئيس. أصلن نحن أهل بعلبك محرومين وما بحق لأهلنا ولا إلنا أنو نستلم هيك مناصب... ومن الآخر كلنا معروفين ولاد فلاحين يا دوبنا عايشن ، طالبنا بمنح عادلة  وملائمة لأوضاعنا المعيشية ولكن بعد تعب وجهد كتيرر كبير من الطلاب وكذلك من ادارة الجامعة (د.حسن عبيد) مع العلم لم يستطيع مساعدتنا سوى في ايصال صوتنا ومطالبنا الى رئاسة الجامعة (د.دينا المولى). وحاول جاهداً الى ان يؤمن لنا منح عادلة بالتواصل مع الرئاسة وله جزيل الشكر الى ان وصلت نسبة المنح الى ال 25% بالاضافة انو عدد قليل حصل على هذه النسبة المفرحة...
المهم  علمنا خبر أنه *المدير (د.حسن عبيد) *أُقيل وتم توقيفه مدير الجامعة الاسلامية (فرع بعلبك) وذلك بسبب إيصال صوت الطلاب بالحصول على منح عادلة... مع العلم والتأكيد أن المدير قد كان محبوباً بين طلابه والمردشد والأب الثاني لهم كما أكد (عبيد) أن المنحة المعطاة لكل طالب تم النظر بها من قِبَل لجنة الجامعة المسؤولة و هي حسب الأوضاع الإجتماعية لكل طالب مؤكداً أن الجامعة الإسلامية في لبنان عادلة مع الجميع و معطاء داعماً إيمانه بها و بالرئاسة ، ليكون كبيراً بعين الطلاب و الرجل المناسب في مكانه المناسب بكل ما للكلمة من معنى...

اليس من حقنا الطموح والسعي لتحقيق الانجازات ...وين العدالة؟ وين تشجيع الطالب على المثابرة؟ وين الاعلام يلي شاطر ينقل الصورة الوسخة؟ وما ينقل وجع طلاب أهل بعلبك ويفرجي العالم كلا أنو نحنا بدنا نتعلم ونحنا مش تجار سلاح ولا مخدرات ولا حرمية ولا سراقين  نحنا مثقفين، بدنا نوصل رغم انو كلكن عم تحاولوا تفشلونا. 
#لوين_رايحين   
#لوين_واصلين 
#كلنا_دكتور_حسن_عبيد

ليست هناك تعليقات:

إرسال تعليق