وعود
- - - انا مو ناسية الوعود بس
حملها تقيل ماعم يمشي معي
ركنتها وجنبها أخدت نفس
وقلت حمل الوفاء بخفف تعبي
ياريتك تضل حتى تحس
كيف الوفا بيتروي من نبعي ؟
- - -
عال عالي بحبك وبالهمس
وناطرة قلبك يقلي تعي
معك إنت صح العكس
كنت إنت يلي طلعك ضلعي
إي إنت ولا غيرك إنس
خلاني شاكرة لطباع طبعي
عن جهل ولا من بعد درس
سكنتك بالوعي وللا وعي
- - -
قلتلك كون لي قيس
لكون ليلاك وياليالي اركعي
بغزلك من عيوني شمس
وبخليك تتوضا من مدمعي
وبزفرك النفس خلف النفس
لتشهق زفراتك عا مسمعي
وإذا عبالا طرافي منك لمس
لطوف الدني وإزحفلك عاإصبعي
- - -
نرجس عمران
سورية
