طبق المثل القايل
الي استحوا ماتوا
بيروت في6_5_2016
احمد الشاويش رئيس اللقاء الشبابي اللبناني الفلسطيني.
استغرب واصفن من الوفاء المفاجئ لحب الوطن لبنان والمحافظات وخصوصا مدينة بيروت من بعض تجار الوطنية و الضمائر الميتة المتعفنة متل الزبالة الي هلكونا فيها بشوارع بيروت الي ماكانوا يزورها الا بس وقت الانتخابات فقط ومشاء الله هلق نزل عليهم الوحي وخلاهم يحبوا اهل منطقتهم والمضحك المبكي من الوعود الي راح يتحفونا فيها وأنهم يقدمهوها ازا نجحوا في الانتخابات وبعد ما ينجحوا بيعطوا الناس كرتونة مونة ووقتها كل انتخابات وانتم مضحوك عليكم. 
والله هيدي الوعود بالمشاريع من المرشحين دول بهيلمانها وسلطانها وقوتها ومجلس النيابي ورئاسة الجمهورية مبتقدر تنفذها .
بكفي كذب على الناس يا تجار الناس بس الحق مش عليكم الحق على المواطن الي تلوع من كذبكم ومازال مصدق انكم رح تبنوا البلد الي انتو دمرتو وتاجرتو فيه وبشبابه .
ملاحظة هامة وين اهل بيروت ! بيروت فاضية من البيروتيين اكثر من 80 % خار ج بيروت بسبب مشروع حبر على ورق ما تنفذ ومصرياتو اكيد انسرقو .
بكفي كذب اكثر من سنتين ودولة ما فيها رئيس للجمهورية اكثر من سنتين والبلد كلو زبالة اكثر من سنتين والوضع الإقتصادي والاجتماعي منهار والبطالة منتشرة والهجرة للشباب الي فقعت مرارتهم بسببكم وسبب غشكم ونفاقكم ..
هلق جايين تخدمو البلد !.
البلد بدها رجال ونساء شرفاء واوفياء بدها ناس تهتم بالوطن والمواطن مش تعطونا كرتونة مونة وبعدها بنموت وعمرنا ما نرجع.
الي مخلينا صابرين عليكم انو بنقول يمكن انو تصيروا بشر وتصدقو بوعودكم .....
كل التحية والتقدير الى من يخدم البلد بصدق والف تحية إلى الجيش اللبناني حامي الوطن والمواطن ولجميع الاجهزة الامنية الي رح تحافظ على الانتخابات البلدية والأختياريا في لبنان .
