2019/03/12

مستشارة الشؤون الثقافية بالشبكة العربية الاديبة الشاعرة عايدة عيد : ياخيي كتبتك بحبر العطر يل دمعتك ياقوت مغزولة بالرحمة ... وأطفي بريق .. واكتفي بكامب ياخيي انت الزهر ونحنا الك بسمة ... ورقصت سطور الشعر برجعتك يمي






يا ريت همك يسكن بهمي
ونرجع سوى بالعمر 
وتتنهد اللمي 
مغموس فيك القهر 
وعمترسم البسمي 
والتاج تاج الفخر 
عايش إلك يمي 
تكتف عليك الجمر 
وغرقان بالضمي 
راحت سنينك هدر 
تعا نغلب العتمي 
جرحك كسر هالضهر 
وعمتكتفي بكلمي 
بالوجع ما في عذر
بفديكي بدمي
والآه دمعة فجر 
عالخد مرتسمي 
 العتب مش عالدهر 
والفرح مش تهمي 
راح الحلم بهالهجر 
وباقي على أسمي 
يا ريت همك يسكن بهمي 
وأطفي بريق  القهر 
وأكتفي بكلمي 
يا خيي أنت الزهر 
ونحنا إلك بسمي 
وان قسي هالدهر 
رح تنتهي العتمي
يا خيي كتبتك بحبر العطر
يل دمعتك ياقوت مغزولة بالرحمي
ورقصت  سطور الشعر 
برجعتك يمي .

   بقلمي:عايده عيد
مستشارة الشبكة العربية للشؤون الثقافية  

ليست هناك تعليقات:

إرسال تعليق