قصائدي
ما في وطن لو مافي جيش حاميه
يلي ابني وابنك تطوعوا فيه
شو بتنفع شهادة خبره
إذا القرار جان قهوهجي مش ماضيه
وصلني من ابني مكتوب
شمالي عميخدم بالجنوب
قلي لما بدق طبول الحروب
يا بيي هالوطن كلنا بالروح منفديه
من الجبل من قمة صنين
وصلتني رسالة تطمين
قلي يا بيي كلنا لبنانيين
جدودي زرعوا اﻷرز نحن منسقيه
بالبقاع تحت شمس الشارقه
إذا نسمة أرهاب مارقه
ما منسمح بسمة طفل تكون سارقه
نحن جرح الوطن منداويه
نحن من الشمال يا بيي
من عكار وطرابلس والضنيه
نحن لحدود الوطن عسكريه
واجبنا سور الوطن نحميه
بيروت الجميله عاصمتي
يا جوهرة الشرق انتي
لما اﻷرهاب دق الباب
جيش الوطن من الساحه ما غاب
اليوم بيوم عيد اﻷحباب
جدار الثقه لشعب واحد منبنيه ..
شاعر الميناء الشعبي مصطفى غنوم
