تكريم الشاعر العربي منير ابو سعيد مع نُخبة من الشعراء والفنانين والصحافيين ، من قِبَل رئيس :
(حزب التواصُل اللبناني ) الأُستاذ الدكتور : "حسين مشَيك" ولا يسعني إلاّ أن أتوجَّه له بالشكر الجزيل ،والشكر مَوصُول أيضاً لنائب الرئيس الدكتور : غانم زين الدين ولمستشار الرئيس الصديق الشاعر : زين حاطوم ، مع أطيب تمنياتي لهم ولمسيرتهم الوطنية المستقلَّة ، وقد ألقيت بالمناسبة ، فور إستلامي شهادة التقدير ، ما يلي :
لبنان الفَوق جْبالو
الأرزات المابيُنطالو
كرَّمنا الدكتور حسين
بْلَيلة عيد استقلالُو .
............................
بْحِزب التواصُل يا زَعيم مْشَيك :
نحنا منلقي الإعتماد عْليك
باب التواصُل تتركو مَفتوح
تا نرافقَك ونشِدّ عا إيدَيك
كرَّمتنا وواجب علينا نبُوح
بْأصدَق مَشاعر شُكرنا لْعَينَيك
العَم يُسهَرو تا نضَل نِبني صْروح
بْشعر وثقافة وفَن ، ضلَّك هَيك
المتلك قلال بتنفَدا بالروح
كمِّل طريقَك للعُلا وماعْليك
تايضَل صِيتَك مسك عم بيفُوح
وشعب الوطن وين ما تجي وتروح
يحَيِّيك ويقلَّك بكل وْضُوح :
شِبَّيك نحنا بْأمرَك ولَبَّيك .
منير أبو سَعيد ٢٠١٧/١١/٢١
