ياحاج ديب الما إلك عِنَّا نظير
يا مْبارَك بْإسمك وجسمَك يا أمير
يا "حاج "بالإيمان و"سْمِيّ" الرسول
وعا حْدُود أرضَك "ديب" بالوضع الخطير
عندي غزارة شعر أقوى مْنِ السُّيول
ودماغ جبران النبي وحنكة جَرير
لكن بمَدْحَك إنت يا إبن الأُصول
رَغم البلاغة بُشْعُر لْساني قصير
ولبنان بدُّو هيك قامات وعُقول
وقلام حُرَّة تعالج الظرف العَسير
وبلَّشت إنت تساهم بْكل الحُقول
وتبذُل جُهود وتضحية بْحكمة خَبير
وشافو السفارة راكدِة وفيها خُمول
لأنُو المَناصِب فيك إنت بترتقي
تْوَلَّيت مَنصب رَيِّس ومَنصب سفير .
كل عام وأنتم بألف خير
مح تحيات وأطيب تمنيات
صديقكم المحب :
منير أبو سَعيد ٢٠١٧/١٢/٢٤