بعدِک یا بیروت
إمّ الدّني !!!
بعدِک یا بیروت...
بعدِک عَم تِدمَعي !
شبِعنا مآسي هالضّربة شو آسي!
تحدّوکي بالموت! للموت ما بترکعي..
یا عدرا شو اللي صار !؟
بلحظِة هالانفجااار !
فاجأنا الخطر ... دوّی وما نطر !!
وطار العمر وطااار ..
ومن خلف السِّتار
اید الدّمار !
زرعِت انتحااار ...
بدمِّ البشر !
وترکِت عالحیطان...
بَصمات الشّيطان
ومن تحتِ الحُطام
بیروت الوطن ،
ر َسمِت بِحِبرا ... قِبّة عا کِبراااااا ! ونِدمِت عاللي صار.... !
عمیو البصر ! بغَفلِة قَدر !
وطلِّ المارد...
وعا کبرو انفجر !
وینِک یا عداله ؟ وینکون یا غجَر ؟
شوفو الأرامِل ...
شوفو الثکالی ..
شوفو الطفالا ... شوف البکي
ودموع البشَر ...!!
هَوني مینا الشَّهید
هَوني مأتَم وَطن !
هَوني بَیتِ الفقید !
یللي بأرضو انطحَن
ولک شو نفع الحکي
عَمبیشهَق بالبکي
عَلدمُّون سَقَط ...
عل راحو بالغلط !
عا فراق الجبل !
عا موتِة بطل !
عالإمّ وعالبَي عالإخت وعالخَي !
عالفقیر وعالغني !
وصارو القضیّة هِنّي..!
وبیروت الخبر!!
قبل الانفجار المدمّر بسنوات حوالی عام ۲۰۰۰ !!
عاصِمتي إسما بیروت
کِلَّ مِرجان ویاقوت !
غِصنِ الأرز مظلّلها
ومجدِ الرّبِّ لما بیموت !!!
بیروت صِدّرتِِ لبنان
لکلِّ الشّرق وکل مکان....
صِرتِ مینا لکِلِّ الغَرب !
وموطِن تاني للعِربان !
بلاطِة صَخرة مِمتدِّه..
جبال علیها بِتهدِّي !
حملِت إسمِک یا بیروت
أجمل شِعر بهالردّهِ ..!
عالکورنیش تمِشَّینا...
وعالموسیقی غنَّینا !
کل ما نقرِّب عالموجات....
نحِسِّک قرَّبِتي لینا!
عین الرمّانة الحمرا،
ومنرّوشة للصفرا ،
ضوِّتلِک نجماتِ اللیل !
عِمراني فیکي السَّهرة !
مدرج طیّارة ومطاار
بیِستقبِلنا لیل نهار
اهلا وسهلا بینادي ...
والله مَعکُن یا زوّار !
متحَف قایم عا تلالووو !
الصَّخر بیحکي عن حالوو !
أبجد هوز ...ما بتزول !
خَتم مأ بَّد نیّالوو !
بیروت رفَعتي الرآیه !
وصرتي للدّنیي حکایه ...
اجتمعوا فیکي أهلِ الشّرق ..
إنتِ للشَّرق مرآیه!
بیرووووووت صرتِ محمیّة !
وإنتِ دِرع ِ الحریِّة !!
نکتبوووو حروفِک بالمِرجان ...
ودمّات اللبنانیّة !!!
( ودمّات اللبنانیّة) قلت ذلک یومها عام ۲۰۰۰ وکانّني استبق الاحداث ....)
من نظم وإعداد
الشّاعر والادیب الملحّن
مستشار الشّیکة
الموسیقار
د.یاسر لبکي 🙋♂😘👋✍