عظيمة ومحروسة دائما بعون الله ثم بإرادة وقوة وعمل أولادك... . .................. "ماركو زكي".. صيدلي نابغة محترم مصري اصيل يعمل مدرسا في كلية الصيدلة جامعة المنيا.عروس الصعيد. "ماركو" فاز بجائزة "نيوتن" البريطانية الدولية بعد ما اشتغل فترة على بحث كشف من خلاله عن الجين المسؤول عن سرطان الكبد!.. البحث الناس بره طايرين بيه لإن بسببه هيقدروا يطوروا وسائل مبتكرة لوقف انتشار سرطان الكبد اللي أساساً بيموت بسببه كل سنة 788000 شخص في العالم -(يعني أكتر من مليون إلا ربع)-.. أنتم متخيلين حجم الإنجاز اللي عمله شاب مصري!.. الحقيقة إن جمال "ماركو" مش بس في البحث بتاعه؛ لكن هتحترمه أكتر لما تعرف إن قيمة الجائزة اللى أخدها 200 ألف جنيه إسترليني -(حوالي 4 مليون جنيه مصري)- خصص نصها بالظبط عشان يتعمل بيه معمل في كلية صيدلة جامعة المنيا!.. راجل جدع ومحترم ورغم سنه الصغير نسبياً لكنه عالم كبير، وأصيل مانسيش أهله ولا بلده.. البلد دي فيها ناس تِفرح تتاقل بالدهب، مخها نضيف، وولاد أصول بيستنوا بس أى فرصة عشان يقولوا نحن هنا. ولكن للأسف معظم اعلامنا(المحترم) يركز غالبا على توافه الأمور والفساتين المجنونة في تصميمها ومن يدعون انهم فنانين ولا يعرفوا القراءة ولا الكتابة وليس معهم اي مؤهل ولو شهادة محو امية لتقديمها للنقابات الخاصة بهم(اي والله ليس معهم اي شهادة) وهم من يتخذهم أولادنا وبناتنا قدوة لهم.. وبالطبع توجد (للأسف) قلة كالشموع المضيئة تعمل بإخلاص وحب لتضيئ في الظلام والطريق لغيرهم.... ونرجو ان يسمع صوتنا لإعطاء َماركو حقه ولو ادبيا...
