_____________
الفقر مو عيب ...
العيب للعنده ...
والفقير مايطيه وما يفيده
لاتزيد جروحه جروح
ولا دكول نطيته وكلساع تعيده
انت تنام متخوم من الاكل
والفقير محروم من كلشي ليريده
انت قصرك طوابق للغيم
وهو خرابه عنده...
ولحافه بين رجليه وايده
الفقير جوعان....
انت مسوي عيد ميلاد وليله سعيده
تتكلب على الزوالي
وهو نومة الحصيره عيده
انت اكلك لحم غزلان
والفقير خبز وبصل مالاكي لوليده
ميت برد والثلج يدفيه
وانت عندك مكيف....
حار وعالي تبريده
لاترده وتزجر بيه
العوز اشد من الموت يخنك بأيده
كم فقير وازاه العوز
حط حجر على بطنه ولا مد ايده
