سألت موفق ليش بلا شغل 
قلي ما توفق بوﻻ شغل
سألت محمود ليش هون موجود
قلي ما عاد في شغل فيه يجود
سألت حسين قلي من يوم التنين
كنت بالمستشفى عمركب مصل
هيدي حكايه عن شبان
بكل منطقه بلبنان ..
صاروا عندهم العنوان
ما في شغل . ما في شغل .
كنا نحكي عن ميه
تشبع عيله بهنيه
اليوم من اﻷلوف ميه
بعد في نقص بالحمل
كانت العمله باﻷيد
والشغل لمين يريد
اليوم فارغه صارت اﻷيد
فارغه من قلة الشغل
نجن عن العمل عاطلين
بهالبلد شبان مش عاطلين
وهالبلد مش تاركين
ببكرا في عنا أمل
شباب في عنا أحتمال
نصبر عقلة اﻷشغال
بكرا بيرتاح البال
وبيرجع ببﻻدنا الشغل
بأيام الحرب ما هربنا
هالبلد هي بلدنا
نحن اليوم اذا جعنا
بكرا لح نشبع من اﻷكل
بكرا بتشرق عنا الشمس
وننسى اليوم وأمس
من اليوم ناخد درس
وينلم ببﻻدنا الشمل
وترجع اﻷشغال بالبلد
ويكبر فيها الولد
من جد ببﻻدو وجد
ويرجع بيناتنا الوصل
شاعر الميناء الشعبي مصطفى غنوم
