كل عام وانتم بخير
نقل مرجوحة العيد ..
مرجوحة جدي مش عارفين
وين بدهم يروحوا فيها
يلي عييدنا أنا وخيي
ووﻻدي وجاري فيها
كانت بحد باب البيت
ترجع هيديك اﻷيام يا ريت
كنت شو بالقجه خبيت
ترمس مخلل مرجوحه اتهنى فيها
كانت من تراث المينا
بين البيوت منصوبه
كنا نغني فيها غنانينا
حج محمد وأم شرشوبه
كانت الماما تفرح فينا
الشقليبه فينا مقلوبه
الدويخه تبرم فينا
وأمي تبتسم بعيونها
اليوم عملوا نقله مهمه
ما عادت تمسك أيدي أمي
شالو المرجوحه من الحارات
ما عادت اﻷم من البلكونات
تغني مع أبنا الغنيات
صارت مرجوحتنا ذكريات
كيف أخدو هالقرارات
ومين المستفيد هو فيها
صارت مرجوحتنا بعيد
بالحاره ما عاد في عيد
الطفل بحارتو كان سعيد
يتمرجح بمرجوحة بو سعيد
بقرار مدري مين بيفيد
ما عاد العيديه يفرح فيها
شاعر الميناء الشعبي مصطفى غنوم .
