يا موطني يا موطن الأرزات
يا حلم جدي ويا عزم بيّي
جبينك مجد مجبول بحكايات
صارت مع التاريخ منسيّة
من يوم إستقلالنا بالذات
نهدات عمرك ساكنة فيّي
وجوات صدري بسمع الدقات
عم تندهك بالليل يوميّة
بقشع بعينيي أنا النجمات
كرمالك بهالكون مضويّة
وكلما بإستقلالك الساحات
تتزين بألوان سحريّة
بيصير قلبي يعصر الكلمات
تا يكتبك أبيات شعريّة
يا موطني يا ملتقى النهدات
يا رفيق عمري بالدني وخيّي
بأرضك يا غالي شربت الزهرات
دم البطولة مع الحريّة
وهيهات لو فيّي أنا هيهات
بعطيك عمري ولو بقيلي نهار
فوق العمر بعطيك عينيّي،،
،،،علي ناصر،،،
