2021/01/23

الشاعر والأديب خضر عباد الجوعاني / العراق (( ضيعت عمري))

 



_____________

ضيعت عمري .....

وياك شلون تريد تلكاني

أمسح دموعك ....

وانت خنجر بظهري رماني

اساهر الليل ....

اخيط جروحهم بشرياني

أشتل ورد....... بستانهم خضر  ويابس  بستاني

كظيت عمري ....

لفرحهم ولضحكتهم متاني

وحسبت حني الظهر.....

يفيدون وهم عمداني

ضيعت بيهم عمر....

سلام وجلمة شلونك منهم ماجاني

لو متت ماأريد....

جناز منهم يوكف على جثماني

وبيدي اكطع حبال الوصل

للوفيتله بروحي ماوافاني

ومازال اشم الهوى... 

حرام يجي طاريهم على لساني

وللموت أظل زعلان....

ولاينكسر حلفاني

شسولفلك بعد....

أسأل ديرتي وجيراني

ربيتهم من صغر....

حبيتهم وصارم عدواني

ضحيت براحتي...

للعافني ونساني

طبعي الوفا... 

وجه واحد ماعندي وجه ثاني

ردتهم للضيج .....

كبل لا خاني الوكت عافوني

ضيعت بيهم عمر

سلام وجلمة شلونك منهم ما جاني


قلمي......